Devedesetdvogodišnja Indijka prvi put je prije šest mjeseci sela u školsku klupu i naučila da čita i piše, postavši primjer i drugim ženama iz svog sela, prenose indijski mediji.
Salima Kan, rođena je oko 1931. i udala se kada je imala samo 14 godina. Kada je bila dijete u njenom selu nije bilo škole.
Pijre šest mjeseci, u pratnji supruge svog unuka, krenula je na put u školu u Bulandšahru, u državi Utar Pradeš i konačno započela obrazovanje uz djecu koja su od nje mlađa osam decenija.
List Tajms of India prenosi da je priča Salime Kan izazvala pažnju nakon objave videa na društvenim mrežama u kojem ona broji do 100, prenosi Tanjug.